طريقتي في تنظيم و التخطيط

هذا موضوع يعتبر تسخين لسلسة المواضيع القادمة اللي تخص البلانر بأذن الله تعالى : من الأشياء الروتينية في حيآتي التدوين وكيف صآر بالنسبة شيء مهم بحكم طبيعتي اني انسى واتجاهل

اشياء كثير .. ولا احس في شي يحفزني على انجاز عمل

يوم من الأيام كنت اتصفح يوتيوب شد انتباهي واحدة تعرض البلانر وتحكي قصتها كيف بلانر غير حياتها وجلست اشوف فيديوهات ثانيه لها واشوف كيف تبدع بالرسم كأنها استكرات وحبيت الفكرة واعطاني هالشئ دافع قوي على الفكرة وصممت على اني اشتري واحد .. شفت في الأنستقرام تاجرات تبيع بلانر وكيف ان الاسعار مبالغ فيها بزياده وتوصل ٥٠٠ ريال ومعليش محد بيدفع هذا مبلغ عشان اجنده او بلانر .. ومازال البحث مستمر وشفته في امازون واشتريته

هنا بداء كل شي يتغير : اولا حطيت لي جدول اعمال صغير عشان يكون مرجع لي عند التدوين

بديت اكتب اعمال بشكل يومي يعني .. يوم بيومه

وفادني هالشيء كثير بالجامعة اكتب ايام الاختبارات و الاعمال اللي تخص الجامعه ايضاً فادني بحياتي بعيداً عن امور الجامعة .. غير ان بالتدوين متعة تنمية مهارات لي زي الرسم وطريقتي بالتدوين زي ماذكرة التدوين كل يوم بيومه واحياناً اسبوعي او شهري .. بس احب اليومي ان يذكرني بأشياء ابي انجزها وبالأيام اللي ماعندي شي اسوية أكتب عنده لا يوجد مهام اليوم

نوع البلانر المستخدم

استخدم بلانر من ماركه اسمها DOKIBOOK

ماركه صينه اتوقع شفت تفاوت باالأسعار بهاذي الماركه بكذا موقع انا اشتريته من امازون . الماركة عآلميه المشتهرة هي بلانر كي كي بس انا ماقدرت اشترية لانه مايقبل الفيزا السعودية يقبل بآي بل وبحكم كذا بطلت اشتريه فيه مآركات ثانيه طلعت تنافس كي كي اللحين حتى اسعاره حلوه ومناسبة للجميع نفس مآركة بلانري .. كمآن اللي عارفين صفحتي بالأنستقرام عارفين اني اشتريت ورق جديد للبلانر وهذا الحلو بالموضوع تقدرين تغيرين ورق بلانر اذا خلصتي جميع محتوى البلانر اللي تستخدميه

ماهي أهدافي في تنظيم بأستخدام البلانر

التخطيط الناجح ليومي+تنفيذ مهامي بشكل صحيح+أعطاء نفسي و غيري طابع إيجابي +مراجعة أهدافي = أكون حققت ماخططت إلية

حطيت لكم صفحة بلانري لهذآ الأسبوع وبحكم ان صفحات بلانر اجنبية ف بادية من يوم الأثنين

وانا من النوع احب ازخرف بلانري واحط بوك مارك الي هي : فواصل كتب زي ما انتم شايفين بالصوره اغلب من مشترياتي من امآزون وموقع ايباي وعلي اكسبرس اغلب مشتريآتي فيها تشابة مع مواقع ثانيه بحكم كل موجود صناعة صينية .. اتمنى الموضوع يكون خفيف وأفاد البعض واعطاكم إالهام بالتتدوين وتنظيم حياتكم