رأيي بمنتج من ماك لأخفاء الهالات السوداء و إيضاءة منطقه تحت العين بشكل جذاب

مساء الخير لكم جميعاً

PREP+PRIME FROM MAC COSMETICS

موضوع اليوم يعتبر مكمل لسلسة مواضيع الميك اب واللي يعتبر خطوة من خطوات المكياج سواء كان يومي

او مناسبات واللي صار اغلب ما يستغنى عنة لأسبباب أولاً: الخجل من الظهور أمام صحباتك لمن يكون عندك هالات سوداء تحت عين او آثار حب شباب ، سواء بالجامعة او حتى عند زيارة الأهل و الأقارب .. ثانياً :بعض حالات اللي يكون عندهم سواد تحت عين يكون علاجها يحتاج وقت طويل لتخلص منها واحياناً العلاجات تكون مكلفة للبعض ف يلجأون للطرق السهلة او المؤقتة (انا لست ضد علاجها ) وقد يكون فعلاً هو الأنسب لكن في بعض الأوقات نحتاج لشئ سريع عند المناسبات نغطيها سواء كانت هالات سوداء او آثار حب شباب بالوجه.. طبعاً فيه ماركات بدأ يلمع نجمها وشهرتها بعالم الميك اب واثبتت جدارتها !! من هاذي الماركات ماك

منتج ماك بريب آند برايم موجديد علي و هالمنتج بعد ماهو جديد في موقعهم أو المحلات .. من كثر

ما أحب هالمنتج حبيت أعطية حقة وأقيمة لكم من ناحية أالاستعمال وكل شئ يخصة

أول شي انا اخذت أثنين كلهم نفس شكل لكن كل واحد يختلف بطريقة الأستعمال و الأسم

(Peach Lustre)

المنتج عبارة عن سائل لونة تقريباً بيش او أورنج فاتح سهل المد و الدمج ما يخطط او يتكتل تحت عين

والحلو فيه ان شوي منة بس يغطي المنطقة كاملة دائماً اللون الأورنج او البيش الفاتح مخصص للمناطق الداكنة بالوجة ،، من الأخطاء الشائعة اللي نشوفة عند بنات يستعملون مصحح أورنج تحت عين وهم ما يحتاجون وبكذا يتغير لون تحت عينها مع الفونديشن ويعطي لون برونزي غير عن باقي الوجهه ف لا تستخدمون الأ اذا احتجتو الكوريكتر .. المنتج بالموقع كاتبين انة هايلات مو معناتة ان فيه شمر و لمع لكن فكرته كيف انه يخفي الهالات ويعطي أشراقه طبيعية للوجه .. أحب أستعملة تحت عيني لأخفاء اي هالة عندي لمن ما انام كويس او لأخفاء اي أثر للحبوب .. بحكم ان بشرتي دهنية ماأحس ان خلى وجهي يدهن او اعطاني أي لمعة انا ماأرغب فيها بوجهي .. طريقة أستعمالي له قبل الفونديشن أرطب تحت عيوني بمرطب خاص و خفيف للعيون وبعدها أمده على منطقة الدكنة بمقدار قليل لأنه قليل منة يكفي لتغطية واذآ احتجتي مايمنع إنك تزيدين الكمية .. طريقتي بالدمج هي الطبطبه بأاستخدام بيوتي بلندر او الأصبع شرط تكون اليدين نظيفه والأدوات .. كمان بعض فرش المكياج تكون مخصصة للكونسلر ودمجة تحت عين (راح أطرق لشرح الفرش بشكل موسع ومفصل بالتتدوينات الجآية) وبعد ما نخلص الدمج نكمل وضع كونسيلر بيج وكملي باقي خطواتك بالميك اب . سعر المنتج 27$ يساوي بالريال السعودي = 101 هذا السعر اون لاين

(Light Boost)

المنتج بالوصف يشبه تماماً وصف المنتج السابق بس يختلف بلونة وطريقة الأستعمال

طريقتي بأستعمالة اني لمن اخلص من وضع الفونديشن كامل على وجهي احب احطة تحت عيوني ليعطيني ايضاءه واشراقة تحت العين بشكل جداً جميل .. استعملة ك بديل للكونسيلر لأني احسه كافي لي لأن لو حطيت كونسيلر وحطيت هذا بتتكتل منطقه تحت عيني ويصير شكله كيكي ويخطط .. لكن اكتفي بهذا بريب آند برايم احب اثبتة بلوس بودر شفافه (دون لون ) او بنانا بودر

لون بريب آند برايم اصفر يشبه لون البنانا بودر وهذا اللي حببني فية أكثر يناسب البشره الحنطيه والسمراء .. سلس الأستعمال وخفيف ينفع للأستعمال اليومي و المناسبات وسهل الدمج ولا يخطط ، ادمجه تحت عيني بأستخدام فرشه دمج كونسيلر تحت عين او بيوتي بلندر او زي ما ذكرة فوق أستخدم الأصبع

المنتج مخصص لأعطاء إنارة تحت عيون .. يساعد على إبراز الوجة بشكل صحي ومشرق وابراز ايضاً

الكنتور بشكل مرتب للناس اللي عندها هالات سودا طبقي خطوة تصحيح هالات بعدين نوري منطقه يعني ترطيب عيون+ تصحيح هالات + أستخدم كونسيلر لأن مابي اللون الأورنج يوضح+ بعدها نوري المنطقه بلون اصفر.. بس افضل أستعمال بودرة للتنوير زي البنانا او لورا مرسييه عشان لا يتكتل عندك المنطقة بس هاذي للناس اللي عندها هالات سوداء .. اذا ماعندك يصير فونديشن+ أستعمال كونسيلر اصفر + تثبيت المنطقة بأستخدام بنانا بودر او بودرة شفافه ودائماً لا ننسى ترطيب منطقه العين و الوجه بشكل عام قبل الفونديشن بمرطب يناسب نوع بشرتنا

سعر المنتج 27$ يساوي بالريال السعودي = 101 اون لاين

الدرجات المتوفره لهذا المنتج

متوفر بريب آند برايم ب 9 درجات تناسب جميع البشراة وجميع الأحتياجات الدرجتين اللي اخذتهم هم

light Boost - Peach Lustre

شكل المنتج من داخل و الخارج

BYE SUNSHINES ♥