Search
Review: The Happy Planner | طريقة تنظيمي وتتدويني بأستخدام هابي بلانر
- beautybunnny22
- Oct 21, 2016
- 3 min read
مَساء \ صَباح التفاؤل
جداً متحمسة أنزل هاذي التتدوينة بالذات وبصراحة ما كنت متوقعة هالموضوع بيكون تحصيل حاصل وملاقي أصداء كثيرة حتى الناس إللي مالها بالتتدوين و التنظيم وبما إني طولت عليكم كثير بالمواضيع قلت خلاص يكفي كسل وإخلاف بالوعود .. وعلى رغم من الكسل ما أستغنى عن التنظيم بالنسبة لي شئ أساسي لتنظيم حياتي الجامعية بالذات ، خصوصاً إني من النوع إللي ينسى كثير و البلانر فادني كثير ولمن نصحت فية صحباتي صارو مدمنين بلانر و تتدوين خصوصاً بعضهم ربات منزل او موضفات
ولكن البعض يشوف إن التتدوين شئ ممل ولا تهتم بالشغلات هاذي لأن إسلوب كتابتها وطريقتها بالتنظيم مملة
وخاطئة ، لكن بالنسبة لي البلانر نمى مواهب فيني زيي الرسم و علمني أكون منظمة بأسلوب حياتي
اليوم بتكلم عن طريقتي بالتنظيم بلانري الجديد من ذا هابي بلانر . . كمان رفيـو عن محتوياته من الخارج و الداخل
Happy Planner:Botanical Garden
أسم البلانر إللي أستخدمة حديقة النباتات
Botanical garden
نبداء بطريقة تتدويني فية
أول شئ الصفحة مقسمة و جاهزة على حسب أيام الأسبوع و الشهر و السنة كمان
الصفحة بادية من يوم الأثنين بحكم إن البلانر أجنبي لأنهم يبدون دوام يوم الأثنين و هذا الشئ الوحيد إللي قهرني فية بس قلت عادي لأني أستعمل نوت صغير ثاني أكتب فية فـ دايماً أرجع لة
-MONDAY | يوم الأثنين
كتبت الشغلات إللي أحتاج أنجزها بخصوص الجامعة من مذاكرة وكتابة بحوث
وبتلاحظون إن يوم الأثنين فية ثلاث بوكسات لكتابة المهام فية وهذا شئ حلو غير عن بلانر الثاني مساحة واحدة بس لكل يوم .. كمان حجم بوكسات المهام كبير يكفي إنك تكتبين و تضيفين أستكرات بنفس الوقت
كمان الشريط الأصفر إللي فوق البوكسات المفروض أكتب فية
TO DO - لكي ينجز
بس أنا حالياً خليتة فاضي عشان ماعندي إستكرات عليها نفس كلام
(TO DO) | وخليتة فاضي كمان اخاف خطي يكون شين فقلت أستكرات أفضل
-TUESDAY | يوم الثلاثاء
كتبت مهام تحتاج إنجاز سواء لأموري البيت من مشتريات أو إيميل .. وحتى شغلات تخص الجامعة
كمان مخلين يوم الثلاثاء لة بوكسات ثلاثة لأعطاء مساحة أكبر للكتابة
-WEDNESDAY| يوم الأربعاء
نفس الشئ ليوم الأربعاء في طريقة التنظيم
-NOTES
كتبت ملاحظات مهمة متعلقة بهذا الأسبوع
- الصفحات زي ماقلت مقسمة على حسب أيام الأسبوع مع التواريخ بس أنا مغطية التواريخ لأسباب بذكرها بعد شوي حبيت طريقتي بالتزيين و الديكوريشن تكون متنوعة مابين الأستكرات و الرسم
البوكسات إللي رسمت فيها معناها ماعندي مهام أكتبها .. مهامي كانت قليلة ما حبيت أشطب على يوم او أخلية فاضي فـ رسمت علية
- بالنسبة للأستكرات فية أستكرات خاصة لهابي بلانر نفس مقاس البوكسات كمان متنوعة شاملة الواشي تيب المجزء على حسب طول الصفحة وهذا إللي مخططة أشترية الأيام الجاية
توضيح لكلامي بخصوص حجم الأستكرات الخاصة لهابي بلانر . . الصورة مو لي فقط للتوضيح
Review: The Happy Planner ❤ | رفيو للبلانر
Botanical garden
شكل البلانر من الخارج
شكل البلانر من الداخل
البلانر مقسم على حسب الشهور وكل شهر يحتوي على صفحة واحدة مميزة فية و تختص بكتابة أهداف الشهر و مفضلاتك فية من طعام - مشروب - فلم - كتاب - أغنية - أماكن
كمان أهداف تبيغين تحققينها هذا الشهر
و حاطين لك تقويم صغير لهذا الشهر تحطين علامة على تاريخ اليوم مهم بالنسبة لك كمان خانة صغيرة تكتبن فية اليوم و التاريخ المهمين لو نيستي تشوفين التقويم
وهنا أشهر ثانيه بشكل آخر لصفحة الأهداف
وهنا شكل صفحة المهام .. طبعاً شكل صفحة في كل شهر تتغير من ناحية الألوان و التصميم و كمان بعض الصفحات في كل شهر تحتوي على عبارات تشجيعية بأسفل الصفحات .. بتشوفنها بالصور الجاية
- بالنسبة للشئ إللي قاهرني في البلانر أنهم كاتبين السنة 2016
وإحنا خلاص بننتهي من السنة واذا قلتم ليش ما أشتريتي بلانر 2018-2017
لأن البلانر كان علية تخفيض وشكلة حلو وشفت كثير أجانب يغطون السنة و أسماء الأشهر بأستكرات خاصة تناسب حجم هابي بلانر .. كمان فية أستكرات مكتوب علية السنة و الشهر وشكلها جداً جميل وكيوت و ناوية أشتريها عشان حسافة أترك الصفحات الباقية
- كمان بالصفحة إللي على يسار شاطبين التاريخ 31\24
لأن بتقويم الأجنبي مافي 31
تقدرون تعبون الخانة 24
وهنا شكل ثاني لصفحة المهام مع شهر مختلف
- خط الكتابة مختلف مع ألوان بوكسات المهام .. كمان أختلاف بالعبارات التشجيعية
كمان حبيت العبارات الزخرفة إللي تكون بنهاية الصفحة ما يحتاج أضيف اي واشي تيب
- بالنسبة للأوراق جودتها عالية وسميكة ماتبين الكتابة من الخلف
وهنا حطيت للبلانر غلاف خارجي كيـوت
وهنا الشكل الخلفي للغلاف
وهنا شكل للبلانر من الجوانب
-بالنسبة لسير البلانر بلاستك مو معدن ولازم أكون منتبة لة عشان ماينكسر بس مو معناتة إنه مرة خفيف بس لازم ننتبة
وهنا شكل مقرب لصفحة المهام
HAPPY PLANNER|شكل الأستكرات إللي تناسب هابي بلانر
وهذا النوع من الأستكر إللي أقولكم أبية ويغطي أسم الشهر ويناسب حجم البوكسات
النوع الثاني تقدرون تشترونة من موقع هابي بلانر الرسمي
عبارة عن مجموعة أستكرات خاصة لديزاين بلانر الخاص بموقعهم
Comments