Review: Kylie Jenner Lip Kits| تقييمي لأرواج كايلي جينر

مَساء \صَباح الجَمال

تتميز مرحلة الشباب و المراهقة بالتمرد والبحث عن الجديد.. كما تتميز بالتأثر بالأخرين و الأهتمام بالأثارة الأنفعالية و الفكرية ولا شك إن في نوع من الفاشن و الميك اب لها جاذبيتها الخاصة لدى المراهقات و العشرينيات بشكل عام و في السنوات الأ خيرة مر علينا أنواع كثيرة من الموضة سواء بالميك اب أو الفاشن منها إللي رجعنا للتسعينات و الستينات وكانت جميلة ومنها إللي نحمد ربنا إن موضتها راحت

وبعض الشابات ممكن تتعلق بنوع واحد من الفاشن بغض النظر عن الفئة العمرية بسبب حيويتها أو القبول الأجتماعي لدى الأخرين وهذا بالنسبة لي غلط ولا تستغربون فية ناس تتماشى بالموضة لتقى إعجاب من الناس وانا من الفئة إللي أتبع الفاشن بشكل عام لأشبع رغباتي و أكون جميلة بعيون نفسي

ولكن نرجع وأقول إن فية فئة من المراهقات عندهم حب التقليد خصوصاً لمحيط السوشيال ميديا وهذا بالنسبة لي شئ حلو و بنفس الوقت لا يعني الموضوع لة كفتين .. الفاشن صاير بالسنين اللي طافت بتغير سريع وتغيير بألوان الشعر و الميك اب وهوس الكمال و الجمال

أنا عن نفسي صار عندي هَوس نوع من الميك اب وصار هذا ستايلي وعجزة اغير أو اطلع عن هذا المحيط أسمة

Style/Makeup Baddie

نوع الميك اب هذا يركز على شفايف كبيرة و ألون النود أو درجات البني و الوردي الفاتح

واي لاينر وحواجب حادة الشكل وفاونديشن وكنتورفلولس

بوريكم توضيح له بالصور جاية

أرواج كايلي جنر من الماركات إللي لمع نجمها سواء عندنا في الخليج وكمان عند الأجانب ويرجع السبب : هَوس البنات للشفايف الكبيرة بشكل عام وكيف رجعنا لموضة المحددات زي زمان كمان وكايلي جنر هي أول من اطلقة عَنان موضة شفايف كبيرة وإذا كنتم تتذكرون كان فية تحدي إسمة

kyli jenner lip challenge

وصار الناس باليوتيوب و الأنستا يستعملون أشياء غريبة لتكبير الشفايف

بس بصراحة مين مايحب الشفايف الكبيرة بمقاييس معقولة وخصوصاً إن البعض فعلاً يحتاج

ما أبي اتعمق في الموضوع عشان مابي أخضع لجدل بعض البنات

نرجع لموضوعنا

Kyle Matte Lip Kit

Ginger

إللي يعرف ذوقي يعرف إن عشقي درجات البني و النود وبس شفت هذا اللون بموقع كايلي عجزة امنع نفسي من المقاومة في البداية ما حبيت ألونها حسيتها نفس الماركات الباقية بس بعدها عملت درجات ثانية وحبيتهم جداً

وأسم الدرجة إللي أخذتها جنجر وتقريباً بني دافئ اللون جداً جمييل للي سمارها فاتح

توضيح أكثر للدرجة

Brown Sugar

وهذا اللون يعتبر من الألوان الجديدة في الموقع و إللي عملتها لتناسب الخريف وحبيتة جداً لونة بني فية اصفر آندر تون وكمان مو واظح الصفار فية مرة بس للون دافئ وجذاب للسمر

توضيح للدرجة

Dolce K

يعتبر من الدرجات القديمة بالنسبة لباقي الألوان ولكن جداً جميل وهي تحبة ودايماً تحطة بأغلب سناباتها ولأنة عملي وينفع لكل وقت لكل أطلالة سواء سهرة أو صباحية اللون درجتة نود على وردي آندر تون تقدرين تخلطين معاة لون ثاني عشان تغمقينة لو حابة

LEO

غير إني أحب الدرجات البني كمان أحب درجات العنابي الغامق و إللي تجي على بنفسجي بس ماأحب الأحمر الصارخ .. هذا اللون بالذات يذكرني بالتسعينات و الستينات و ستايل مارلين منرو و شادية و فاتن حمامة لأني من عشاق الأفلام الكلاسيكية و ابيض وأسود وصف اللون أحمر برغندي اشتريتة بوقت عيد ميلاد كايلي اطلقت مجموعة بهاذي المناسبة وبسرعة كانت سولد اوت ولا اشتريت ألا الروج المات ليو

Swatches Kylie Lip Kit

من تصويري سواتشز لأرواج كايلي

وَصف الأرواج من ناحية البقمنت و الفورميلا

سهلة المد على شفايف و عالية الجودة قوامها خفيف و سلس عند الوضع تنشف بسرعة لأنها مات وكمان قوام الروج السائل خالي من القساوة وما تتقشر مع الوقت وإللي نلاحظها بأغلب الأرواج المات تبقى مدة كافية و مرضية على شفايف عند الأكل و الشرب ما حسيت اتزحزح من مكانة الأ إذا كنتي بتاكلين شئ دهني شئ طبيعي بيروح ولكن غير عن ذلك حبيتهم جداً كمان العلبة جميلة و فريدة من نوعها

بالنسبة للمحدد قوامة مخملي سهل المد و التحديد عند الوضع وثابت مدة كافية ، كمان سهل إنك تبرينة بس فية شغلة مو أي براية تنفع لة شفت بعض المشاكل في اليوتيوب إن يخرب لمن يبرونة وانا أحسن براية جربتها من ماكس فاكتر ماتغير شكل المحدد و تخلية مصقول وجميل ولا يتكسر مع البري لكن انصح بتقشير شفايف قبل أستخدام أي روج مات و ترطيبها بمرطب خفيف تجنباً للمنظر المقزز

الأرواج تستحق الشراء

سعر الأرواج و مكان الشراء

29 $ = 108 ريال سعودي

قيمة الشحن

8.95 $ = 33.56 ريال سعودي

فقط للأمريكا بالنسبة لشحن جميع دول عالم 14دولار

يمديكم على الدقة ههه

مكان الشراء

kyliecosmetics.com

Makeup Baddie

هذا اللوك إللي أعشقة جداً وصاير هَوس بالنسبة لي

يعتمد على كنتور خفيف ودرجات النود و البني او الوردي الفاتح و ميك اب خفيف والرموش تكون كثيفة مع آي لاينر كات آيي حتى طريقة الشعر يكون كعكتين على جنبين ، او تجديل الشعر بالطريقة الفرنسية من الجهتين

فيدو توضيح للمنتجات

BYE SUNSHINES ♥