Search

CHLOE MORELLO BEAUTY HAUL BY CITE LONDON| رأيي عن باليت الميك اب آرتست كلوي موريلو

Bunnybeauty22
Mar 12, 2017
3 min read

صَباح\مَساء شوق لمتابعاتي العزيزات

وَحشتوني جداً جداً

حبيت آخذ بريك من كل شبكات السوشيال ميديا و أعطي نفسي شوية مساحة و بصراحة قد إيش الفترة إللي طافت كانت مليانة مفاجأت لي الحمداللة .. تصدقون إنصدمت بأشخاص كانت نظرتي لهم و نظرتهم لي غير لكن يخلق الله مالا تعلمون و الشئ الحلو إن هالشخص عرفك و قدرك كويس خصوصاً لمن تكون إنسان طيب و لا تحمل الضغينة بقلبك لأن من يفقد الجمال إللي في داخلة سيعجز عن رؤيته في الأخرين فـ سئ الظن ، الحاقد ، المتشائم ، الحاسد الفئة هاذي من الأشخاص مفتقدين لِلذة الحياة .. وساعات فيه مواقف تستاهل نشكر ربنا عليها لأنها أعطتنا دروس ورتبت ناس فـ حياتنا مين المهم ومين الأهم ومين من الأساس ما يستاهل قلوبنا

نرجع لموضوعنا

موضوع اليوم من زمان كان نفسي أتكلم عنة بس ما صار لي فرصة وممكن تستغربون سهى وشفيك مسوية رفيو عن باليتين آي شدو ورا بعض ؟!! لأني حسيت إنة أشبة بالبوكس متنوع

الباليت كان كولاب بين المشهورة باليوتيوب و كمان الميك اب آرتست كلوي موريلو و البراند سِياتاي لندن < يارب كاتبة نطق التقريبي للماركة صح اناانطقها صح بس ما أعرف كيف تنكتب > لووووول ، ومنها عملو هذا باليت او المجموعة إللي حبيتها من صميم قلبي وإذا ملاحظين الهبة الجديدة إن البراندات تتعاون مع بلوقر مشهورة او يوتيوبرس مشهورة ويعملون باليت سواء آي يشدو او غيرة

وهاذي صورة كلوي إللي عملت باليت

Pretty,Fun and Fearless

الباليت ألوانة متنوعة ما بيت الترابية الطبيعية و ألوان غامقة تقدرين تعملين منها لوك ثقيل و إللي حببني فية إن فية شدوات شمرية .. يعني الباليت أقدر استعمله بالميك اب اليومي بحكم فية درجات ترابية وكمان مناسبات

أول ما وصلتني طلبيتي كانت بداخل بوكس بهذا الشكل

: و محتوياتة كالتالي

- آي شدو باليت

- مسكارا مكثفة للرموش

- روج سائل مخملي

- حقيبة مكياج حجمها جداً مناسب

من خلال تجربتي للباليت حبيتة جداً ألونة ثابتة سواء الشمرية او المات كمان تعطيك نفس الدرجات إللي داخل الباليت لأن بعض الشدوات تشوفينها شئ ولمن تحطينها ما تبين معاك او تعطيك لون ثاني غير عنها ، وكمان سهلة الدمج على العين ما حسيت بصعوبة او مثلاً أرجع احط ثلاث اربع مرات عشان ادمج ، والشئ الحلو ما حسيت بتناثر مزعج تحت عيني ولا بتكتل الألوان لمن احط اكثر من لون على جفن خصوصاً المات

انا دئماً احط فكس بلس لمن ابي اقوي لون الشدوات الشمرية وصارت عادة فيني وكمان جربتهم من دون الفكس بلس اللون قوي وجميل ، غير إن حجمة مناسب للسفر وفية مراية داخلية موفرلك الباليت كل شئ تحتاجينة من درجات حتى إللي ماتعرف تحط ميك اب راح يغريها هذا باليت

لأنة موفر لك كل شئ من ناحية الروج و الماسكارا و حقيبة المكياج خصوصاً لو كنتي بالجامعة عشان المنتجات صغيرة ولا تاخذ مساحة